Bharat-Taxi-News : केंद्रीय गृहमंत्री आणि सहकार मंत्री अमित शहा(Amit Shah) यांनी सोमवारी नवी राइड-हेलिंग सेवा भारत टॅक्सी सुरू केली. या प्लॅटफॉर्मचा उद्देश टॅक्सी आणि कॅब चालकांना केवळ कर्मचारीच नव्हे तर भागीदार बनवणे आहे.
केंद्रीय गृह आणि सहकार मंत्री अमित शहा यांनी 23 फेब्रुवारी 2026 रोजी ‘भारत टॅक्सी’ (Bharat-Taxi)नावाची नवीन सहकारी राइड-हेलिंग सेवा सुरू केली आहे. हे प्लॅटफॉर्म खासकरून टॅक्सी आणि ऑटो चालकांना लक्षात घेऊन तयार करण्यात आले आहे. दिल्ली-एनसीआर(Delhi-NCR) आणि गुजरातच्या ड्रायव्हर्ससोबत झालेल्या टाऊन हॉल बैठकीत त्यांनी सांगितले की ड्रायव्हर्सची कमाई सुरक्षित करणे आणि त्यांना कंपनीचे भागीदार बनवणे हा त्याचा उद्देश आहे. ते म्हणाले की, अनेक खाजगी कंपन्या किमान भाडे निश्चित करण्यास तयार नाहीत, परंतु या नवीन सेवेमध्ये चालकांचे मूळ उत्पन्न सुरक्षित करण्यावर भर दिला जाणार आहे.
‘अमूल मॉडेल’ने प्रेरित सहकारी यंत्रणा(Amul model) (Bharat-Taxi-News)
अमित शाह यांनी भारत टॅक्सीची तुलना देशातील प्रसिद्ध डेअरी सहकारी अमूलशी केली. ते म्हणाले की, अमूलमध्ये शेतकरी आणि दूध(Milk) उत्पादकांना नफ्यात मोठा वाटा मिळतो, ज्यामुळे लाखो लोकांची आर्थिक स्थिती मजबूत झाली आहे. त्याचप्रमाणे भारत टॅक्सीमध्येही चालकांना मालकी हक्क आणि फायदे दोन्ही मिळणार आहेत. खाजगी कंपन्यांमध्ये, कमाईचा मोठा भाग मालकांना जातो, तर सहकारी मॉडेलमध्ये, नफा थेट सदस्यांमध्ये वितरीत केला जातो. येथे चालक केवळ कर्मचारी नसून संस्थेचे खरे मालक बनतील.
वाहनचालकांना नफ्यात मोठा वाटा मिळेल(Drivers get a large share of the profit)
या योजनेंतर्गत एकूण नफ्याच्या 80 टक्के रक्कम चालकांना दिली जाणार आहे. ही रक्कम त्यांनी कव्हर केलेल्या अंतराच्या आधारावर म्हणजेच किलोमीटरवर वितरीत केली जाईल. उर्वरित 20 टक्के रक्कम सहकार निधीत जमा केली जाईल, ज्यामुळे संस्था मजबूत होईल. फक्त 500 रुपयांमध्ये शेअर खरेदी करून चालक सह-मालक बनू शकतात. सदस्यसंख्या वाढल्याने, चालकांना संचालक मंडळात प्रतिनिधित्वही मिळेल.
कमिशनशिवाय अधिक कमाईचा दावा
भारत टॅक्सी सध्याच्या ॲप आधारित सेवांपेक्षा वेगळी आहे. इतर कंपन्या चालकांकडून 25 ते 30 टक्के कमिशन घेतात, मात्र सध्या या प्लॅटफॉर्मवर कोणतेही कमिशन घेतले जात नाही. याचा अर्थ ड्रायव्हर्स आपली सर्व कमाई स्वतःसाठी ठेवू शकतील. सरकारचे म्हणणे आहे की या मॉडेलमुळे चालकांची आर्थिक स्थिती सुधारण्यास मदत होईल आणि त्यांना स्थिर उत्पन्नाची हमी मिळेल.
देशभरात विस्ताराची तयारी आणि मोठे लक्ष्य
सध्या दिल्ली-एनसीआर आणि गुजरातच्या राजकोटमध्ये भारत टॅक्सी सेवा सुरू करण्यात आली आहे. येत्या काळात देशातील सर्व महापालिका शहरांमध्ये त्याचा विस्तार करण्याची योजना आहे. पुढील दोन वर्षांत सुमारे 15 कोटी ड्रायव्हर्स जोडण्याचे आणि तीन वर्षांत ते संपूर्ण देशात विस्तारित करण्याचे सरकारचे उद्दिष्ट आहे. त्याचा पथदर्शी प्रकल्प 5 फेब्रुवारी रोजी आठ मोठ्या सहकारी संस्थांसह सुरू करण्यात आला होता, ज्याच्या यशस्वी चाचणीनंतर आता तो अधिकृतपणे सुरू करण्यात आला आहे. हे प्लॅटफॉर्म ओला कॅब, उबेर आणि रॅपिडो सारख्या सेवांना कठीण स्पर्धा देऊ शकेल असा सरकारचा विश्वास आहे.