Sunetra-Pawar-Baramati : राष्ट्रवादीकडून राज्यसभेच्या उमेदवारीसाठी छगन भुजबळ (Chhagan-Bhujbal ) यांच्या नावाची चर्चा सुरू असून, लवकरच अंतिम निर्णय जाहीर केला जाईल, उपमुख्यमंत्री सुनेत्रा पवार (Sunetra-Pawar) यांनी महत्त्वाची प्रतिक्रिया दिली आहे.
दीपक पाडकर, बारामती : प्रत्येक पक्षाचा सर्वांचा विचार करून नाव ठरवण्याची पद्धत असते. उमेदवारांची चर्चा झाली की अशी अनेक नावे समोर येत राहतात. यावर चर्चा होत आहे. आज संध्याकाळपर्यंत किंवा उद्या तुम्हाला राज्यसभेच्या उमेदवाराचे नाव कळेल. हे नाव छगन भुजबळ (Chhagan-Bhujbal) यांचे आहे की नाही, हे अद्याप सांगता येणार नाही. आपली प्रतिक्रिया व्यक्त करताना उपमुख्यमंत्री सुनेत्रा पवार (Sunetra-Pawar) म्हणाल्या की, या निवडणुकीत इच्छुक असलेल्या सर्व उमेदवारांचा विचार करावा लागेल.
राष्ट्रवादी काँग्रेसकडून राज्यसभेच्या जागेसाठी ज्येष्ठ नेते छगन भुजबळ (Chhagan-Bhujbal) यांच्या नावाची चर्चा आहे. याबाबत माध्यमांनी उपमुख्यमंत्री सुनेत्रा पवार यांना विचारणा केली असता त्यांनी वरील प्रतिक्रिया दिली.
शेतकऱ्यांची भेट घेऊन पाहणी करण्यात आली (Sunetra-Pawar-Baramati)
दरम्यान, बारामती विधानसभा मतदारसंघात शुक्रवारी वादळी हवामानासह अवकाळी पाऊस आणि गारपिटीमुळे शेतकऱ्यांच्या पिकांचे मोठ्या प्रमाणात नुकसान झाले आहे. या पार्श्वभूमीवर आज उपमुख्यमंत्री सुनेत्रा अजित पवार यांनी माळवाडी, बारामती येथे जाऊन नुकसानग्रस्त भागाची पाहणी केली. यावेळी त्यांनी शेतकऱ्यांच्या बंधाऱ्यांना भेट देऊन नुकसान झालेल्या पिकांची प्रत्यक्ष माहिती घेतली व शेतकऱ्यांशी बोलून त्यांना धीर दिला.
बाधितांना शासनाकडून योग्य ती मदत मिळावी यासाठी प्रशासनाला तातडीने पंचनामा करण्याचे निर्देश देण्यात आले असून लवकरच मदत दिली जाईल, असे आश्वासन त्यांनी दिले.
भरपाई
मौजे माळवाडी (लोणी) येथे 2 जून रोजी वादळात पत्र्याचे शेड कोसळून मृत्यू झालेल्या नंदाबाई जनार्दन लडकत यांच्या कुटुंबीयांची पवार यांनी भेट घेऊन त्यांचे सांत्वन केले. यावेळी उपमुख्यमंत्र्यांच्या हस्ते कुटुंबाला चार लाख रुपयांचा धनादेश आणि दोन शेळ्यांना आठ हजार रुपयांचा धनादेश देण्यात आला. यावेळी प्रल्हाद पांडुरंग लडकत यांना 16 हजार रुपये, बाळासाहेब अमृता लडकत यांना 8 हजार रुपये आणि नंद प्रताप फरांदे यांना 12 हजार रुपयांचा धनादेश सुपूर्द करण्यात आला.
4 गावातील 95 हेक्टर क्षेत्राचे नुकसान
मौजे गुणवडी येथील राधा रवीन आगवणे (Radha-Ravin-Agwane) यांचे घर वादळी वाऱ्याने उडून गेले असून, मौजे कऱ्हाटी येथील नारायण लोणकर यांच्या शेतातील सुमारे 250 ते 300 केळीचे पीक उद्ध्वस्त झाले आहे. मौजे मोडवे येथील गुलाब मोटे यांच्या 10 शेळ्या, 3 मेंढ्या आणि 1 कुत्रा वीज पडून मरण पावला. तालुक्यातील 4 गावातील 169 शेतकऱ्यांचे 95 हेक्टरवरील पिके नष्ट झाली आहेत.