Systematic-withdrawal-plan : प्रत्येकाला लक्षाधीश व्हायचे असते आणि म्युच्युअल फंड हे स्वप्न साकार करण्यासाठी उत्तम आहेत. दीर्घकालीन संपत्ती निर्मितीसाठी SIP आणि SWP मध्ये गुंतवणूक करता येते. नोकरी सोडल्यानंतर नियमित उत्पन्न हवे असल्यास, SWP फायदेशीर ठरू शकते.
मंथली पेन्शन सिस्टीम
एसडब्ल्यूपी (सिस्टिमॅटिक विथड्रॉल प्लॅन) अशा लोकांसाठी फायदेशीर आहे ज्यांना गुंतवणुकीतून नियमित मासिक उत्पन्न हवे आहे. विशेषत: ज्येष्ठ नागरिकांसाठी हे उपयुक्त आहे, कारण त्यांना कमी कर भरावा लागतो. एसडब्ल्यूपीद्वारे गुंतवणूकदार म्युच्युअल फंड(Mutual fund) योजनेतून दरमहा एक निश्चित रक्कम काढू शकतात. यामध्ये दोन पर्याय उपलब्ध आहेत: एकतर विशिष्ट रक्कम काढणे किंवा गुंतवणुकीवरील भांडवली नफा काढणे. अशा प्रकारे, एसडब्ल्यूपी(SWP) तुमच्यासाठी मासिक पगारासारखे काम करते.
कोणासाठी फायदेशीर?(Systematic-withdrawal-plan)
एसआयपी(SIP), एसटीपी(STP) आणि एसडब्ल्यूपी (SWP)निवडताना अनेकजण गोंधळतात. या गुंतवणुकीच्या पद्धती समजून घेतल्यास निर्णय घेणे सोपे जाईल. एसआयपी सामान्यतः दीर्घ मुदतीसाठी इक्विटी फंडांमध्ये केली जाते. एसटीपीमध्ये, गुंतवणूक प्रथम म्युच्युअल फंडात केली जाते आणि ठराविक अंतराने liquid फंडातून इक्विटी फंडात पैसे हस्तांतरित केले जातात. एसडब्ल्यूपीमध्ये, गुंतवणूकदार नियमित अंतराने म्युच्युअल फंडातून पैसे काढतात. यात कमी जोखमीच्या म्युच्युअल फंडात गुंतवणूक करणे आवश्यक आहे.
एसडब्ल्यूपी कधीही सुरू करता येते, विशेषत: पहिल्या गुंतवणुकीच्या वेळी किंवा चालू योजनेत हा पर्याय सक्रिय करता येतो. नियमित रोख प्रवाहासाठी हे सोयीचे आहे. एसडब्ल्यूपी सुरू करण्यासाठी, फोलिओ नंबर, पैसे काढण्याची वारंवारता आणि तारीख यांसारखी माहिती असलेला फॉर्म भरावा लागतो.
हे कसे कार्य करते?
पद्धतशीर गुंतवणूक योजनेप्रमाणेच, पद्धतशीर विड्रॉल प्लॅन (एसडब्ल्यूपी) कार्य करते. गुंतवणूकदारांसाठी पद्धतशीर विड्रोल योजना ‘पॅनशिया’ आहे. यामध्ये आपण नियमित कालावधीत आपले पैसे काढू शकता. हे गुंतवणूकदाराकडे रोख प्रवाह ठेवते आणि दीर्घकालीन गुंतवणूकीची प्रतीक्षा करण्याची गरज नाही. कोणत्याही लॉक -ऑन कालावधीची कोणतीही अडचण नाही.
तज्ञांच्या मते, एसडब्ल्यूपी इक्विटी म्युच्युअल फंडांसोबत कधीही करू नये. अल्प मुदतीचे डेट फंड आणि इक्विटी सेव्हिंग्ज फंड वापरून एसडब्ल्यूपीद्वारे नियमित उत्पन्न मिळवता येते.
एसडब्ल्यूपीद्वारे नियमित अंतराने पैसे काढता येतात. मासिक, त्रैमासिक किंवा वार्षिक आधारावर पैसे काढण्याची वेळ निश्चित करता येते. एनएव्हीनुसार, दरमहा खात्यातून पैसे काढण्याचा पर्याय उपलब्ध आहे. हे पैसे पुन्हा म्युच्युअल फंडात गुंतवता येतात किंवा वापरले जाऊ शकतात.