कृती सेननची रक्षाबंधन जाहिरात सोशल मीडियावर चर्चेत; अभिनेत्रीच्या लूकवर नेटकऱ्यांचा आक्षेप
Main Stories मनोरंजन

सोशल मीडियावर क्रिती सेननच्या रक्षाबंधन जाहिरातीची चर्चा; लूकवरून नेटकऱ्यांची नाराजी

August 24, 2026
SanvadMedia

Kriti Sanon RakshaBandhan Advertisement : कृती सेननच्या रक्षाबंधनाच्या ज्वेलरी जाहिरातीवरून सोशल मीडियावर चर्चा रंगली आहे. अभिनेत्रीच्या लूकसह जाहिरातीच्या संकल्पनेवर नेटकऱ्यांनी प्रतिक्रिया दिल्या.

मुंबई : अभिनेत्री कृती सेनन(Kriti Sanon) एका रक्षाबंधन जाहिरातीमुळे सोशल मीडियावर चर्चेत आहे. एका ज्वेलरी ब्रँडच्या या जाहिरातीत कृतीच्या लूकवर आणि सादरीकरणावर नेटकऱ्यांनी नाराजी व्यक्त केली असून, संमिश्र प्रतिक्रिया उमटत आहेत.

कृतीचा लूक चर्चेत(Kriti Sanon RakshaBandhan Advertisement)

ज्वेलरी ब्रँडच्या या जाहिरातीत कृती सेनन(Kriti Sanon) आधुनिक अंदाजातील पोशाखात दिसत आहे. तिने ऑफ-व्हाइट ब्रालेट-स्टाइल ब्लाउज, त्यावर केप आणि ड्रेप्ड स्कर्ट असा लूक केला आहे. पारंपरिक सणाला आधुनिक पद्धतीने सादर करण्याचा प्रयत्न जाहिरातीत करण्यात आल्याचे दिसते.

मात्र, याच लूकवरून सोशल मीडियावर काही यूजर्सनी प्रश्न उपस्थित केले आहेत. रक्षाबंधनासारख्या पारंपरिक सणाच्या जाहिरातीसाठी असा पोशाख योग्य आहे का, असा सवाल काही नेटकऱ्यांनी केला आहे.

पूजेच्या ताटावरूनही प्रश्न(Kriti Sanon RakshaBandhan Advertisement)

जाहिरातीतील रक्षाबंधनाच्या दृश्यावरही काही सोशल मीडिया यूजर्सनी प्रतिक्रिया दिल्या आहेत. या दृश्यात पूजेचे ताट दिसत नसल्याचे काहींनी निदर्शनास आणून दिले. त्यामुळे जाहिरातीत रक्षाबंधनाची पारंपरिक पद्धत योग्य प्रकारे दाखवली आहे का, यावरही चर्चा सुरू झाली आहे.

पाळीव कुत्र्यालाही बांधली राखी

या जाहिरातीतील आणखी एक दृश्य सोशल मीडियावर चर्चेचा विषय ठरले आहे. कॅम्पेनमध्ये पाळीव कुत्र्याला कुटुंबाचा सदस्य म्हणून दाखवण्यात आले असून, कृती त्यालाही राखी बांधताना दिसते.कृती सेनन ज्वेलरी जाहिरात.

या कल्पनेवरही नेटकऱ्यांच्या संमिश्र प्रतिक्रिया पाहायला मिळत आहेत. काहींनी पाळीव प्राण्यांना कुटुंबाचा भाग मानण्याच्या संकल्पनेचे समर्थन केले आहे, तर काहींनी रक्षाबंधनाच्या पारंपरिक भावनेशी या दृश्याचा संबंध जोडत प्रश्न उपस्थित केले आहेत.

जाहिरातीवर संमिश्र प्रतिक्रिया

सोशल मीडियावर काही यूजर्सनी कृती सेननच्या आधुनिक लूकचे आणि जाहिरातीच्या क्रिएटिव्ह संकल्पनेचे समर्थन केले आहे. तर दुसरीकडे, काहींनी पारंपरिक सणाच्या जाहिरातीत भारतीय संस्कृती आणि परंपरा अधिक ठळकपणे दाखवायला हव्या होत्या, असे मत व्यक्त केले आहे.Kriti Sanonची रक्षाबंधन जाहिरात: वाद आणि सोशल मीडिया ट्रोलिंग.

दरम्यान, या जाहिरातीमुळे कृती सेननचा लूक, जाहिरातीची संकल्पना आणि रक्षाबंधनाचे सादरीकरण सोशल मीडियावर चर्चेचा विषय बनले आहे. जाहिरात नेमकी आवडली की नाही, यावर नेटकऱ्यांमध्ये मतमतांतरे पाहायला मिळत आहेत.

 

Social Media