Crude-oil-prices : अमेरिका आणि इराणमधील(America-Iran)शांतता कराराच्या घोषणेनंतर पश्चिम आशियातील शांततेच्या वृत्ताने संपूर्ण जग सुटकेचा नि:श्वास सोडताना दिसत आहे. त्याचा सकारात्मक परिणाम कच्च्या तेलाच्या किमतीवर दिसून येत आहे. तीन महिन्यांनंतर पहिल्यांदाच तेलाच्या किमतीत मोठी घसरण झाली आहे.
28 फेब्रुवारीपासून अमेरिका आणि इराणमध्ये (America-Iran)सुरू असलेला लष्करी संघर्ष आता संपत असल्याचे दिसत आहे. दोन्ही देशांनी सोमवारीच शांतता कराराची घोषणा केली असून, त्यानंतर कच्च्या तेलाच्या (crude-oil) किमतीत मोठी घसरण झाली आहे. मंगळवारी, कच्च्या तेलाची किंमत प्रति बॅरल (bbl) $ 83 वर पोहोचली. या तेलाच्या किमती गेल्या 3 महिन्यांत प्रथमच 4 मार्चच्या किमतीच्या पातळीवर पोहोचल्या आहेत. (Crude-oil-prices)
अमेरिका आणि इस्रायलने (America-and-Israel) फेब्रुवारीच्या शेवटच्या आठवड्यातच इराणविरोधात आघाडी उघडली होती. यानंतर, हा संघर्ष 16 आठवडे चालू राहिला, ज्यामुळे कच्च्या तेलाच्या किंमती सतत वाढत होत्या आणि त्याच्या पुरवठ्यात अडचणी येत होत्या. अमेरिका-इराण (America-Iran) शांतता कराराच्या घोषणेनंतर, होर्मुझची सामुद्रधुनी(sea -of -hormuzchi) उघडण्याची अपेक्षा वाढली, त्यामुळे तेलाच्या किमती सलग दुसऱ्या दिवशी घसरल्याचं दिसत आहे.
अहवालानुसार, आज भारतीय वेळेनुसार सकाळी 7.44 वाजता, तेल बाजारात ब्रेंट क्रूडची किंमत प्रति बॅरल $ 83.20 वर व्यापार करत होती, तर आदल्या दिवशी ती प्रति बॅरल $ 83.17 वर बंद झाली होती.
मात्र, या तेलाच्या किमती किती दिवस घसरतील किंवा स्थिर होतील हे सांगणे कठीण आहे कारण अमेरिकेचे राष्ट्राध्यक्ष डोनाल्ड ट्रम्प यांच्या ताज्या वक्तव्याने पुन्हा एकदा जगाच्या चिंतेत भर पडली आहे. ट्रुथ सोशल मीडिया हँडलवरील आपल्या ताज्या पोस्टमध्ये ट्रम्प म्हणाले, ‘इराणने मान्य केले आहे की तो कधीही अण्वस्त्रे बनवणार नाही!
याशिवाय अमेरिका इराणला(America-Iran)300 दशलक्ष डॉलर्स देणार ही बातमी पूर्णपणे खोटी आहे.’ यानंतर पुन्हा एकदा या शांतता करारावर चिंता व्यक्त होऊ लागली असून या वृत्तानंतर तेलाच्या घसरलेल्या किमती पुन्हा हळूहळू उकळू लागल्या आहेत.
या कराराचा परिणाम शेअर बाजारावरही दिसून येत असून सलग दुस-या दिवशी सेन्सेक्स आणि निफ्टी वाढीसह उघडले आहेत आणि हिरव्या रंगात व्यवहार करताना दिसत आहेत. त्याचवेळी सोन्याच्या दरात सातत्याने घसरण होताना दिसत आहे.